‘சென்னை எக்ஸ்பிரஸ்’ வசூல் சாதனையில் முதலிடம் Latest Tamil Cinema News

இந்திய சினிமா வரலாற்றில் அதிக வசூலை குவித்த படம் என்ற பெருமையை ஷாருக்கானின் ‘சென்னை எக்ஸ்பிரஸ்’ பெற்றுள்ளது. சென்ற மாதம் 8ஆம் தேதி உலகம் முழுவதும் ரிலீஸாகி , கிட்டத்தட்ட ஒரு மாத காலத்தில்  400 கோடி ரூபாய்க்கு மேல் வசூலித்து, முந்தைய படங்களின் சாதனையை முறியடித்துள்ளது. இதற்கு முன்னால் ஆமீர்கான் நடித்த ‘3 இடியட்ஸ்’ படம் தான் வசூல் சாதனையில் (392 கோடி ரூபாய்) முதல் இடத்தில் இருந்து வந்தது.

இப்போது ஆமீர்கானின் இடத்தை ஷாருக்கான் பிடித்துக்கொண்டுள்ளார். ’சென்னை எக்ஸ்பிரஸ்’ படத்தில் ஷாருக்கான், தீபிகா படுகோனே ஜோடியுடன் சத்யராஜ் உட்பட பலர் நடித்திருக்கின்றனர் என்பது குறிப்பிடத்தக்கது. இந்தப் படத்தை தொடர்ந்து பாலிவுட்டில் பெரும் எதிர்பார்ப்பில் இருக்கும் படங்கள் ஆமீர்கானின் 'தூம் 3' மற்றும் ரித்திக் ரோஷனின் 'க்ரிஷ் 3'. இந்தப் படங்கள் ‘சென்னை எக்ஸ்பிரஸ்’ படத்தின் சாதனையை முறியடிக்குமா? என்பதுதான் பாலிவுட் ரசிகர்களின் தற்போதைய கேள்வியாக உள்ளது.